Bloque Nacionalista Galego-Arzúa

Militantes e simpatizantes do BNG en Arzúa participaron un ano máis na manifestación organizada polo BNG a nivel nacional, para reclamar a autodeterminación da nación galega. Na manifesación que comezou na Alameda da capital, rematou cun discurso na Praza da Quintana da Secretaria Xeral de Galiza Nova máis do Portavoz Nacional do Bloque, que recalcou moito a importacia de que os nacionalistas academos un bó resultado nas próximas eleccións xerais, para que Galiza sexa respetada a nivel estatal e conseguir o estatus que nos merecemos.

Logo participamos no tradicional xantar que a comarca organiza o día na patria. 

Ademais Galiza Nova colocou unha faixa na praza da vila co lema “AUTODETERMINACIÓN, 25 de xullo día da patria”

Así definiu Castelao a Ánxel Casal. Alcalde de Santiago de Compostela e veciño durante unha temporada da vila de Vilantime. Casal foi sen dúbida unha das figuras máis importantes do republicanismo e nacionalismo en Galiza. Emigrou a Bos Aires, pero logo volvería para ao noso país para seguir traballando a prol da nosa cultura e da nosa identidade.  Foi tamén un grande defensor do estatuto que sería aprobado en referendum no ano 36, pero que non chegou a antrar en vigor pola sublevación do bando fascista nese mesmo ano.

Ánxel Casal foi apresado en Vilantime e fusilado o 4 de agosto de 1936 en Cacheiras (preto de Santiago).

Por iso Galiza Nova de Arzúa decidiu facerlle no día no que se cumprían 71 anos da súa morte unha pequena homenaxe colocando na praza da vila unha pancarta lembrando a un grande patriota e loitador.

Galiza Nova, mocidades do BNG, ven de sacar unha campaña en Arzúa polo voto seguro.

Baixo o lema, no voto como no sexo, sempre con seguridade, Galiza Nova pretende dar a coñecer a importancia que ten que exista ou non un goberno nacionalista nas administracións. A través desta campaña, querese amosar, como dende a entrada do BNG na Xunta de Galiza, pasamos a ter unha administración que actuaba como decía o de aquelas presidente Don Manuel Fraga : SEN CONDÓN, a ter agora un goberno que mira polos mozos e mozas deste país.

Como dende a Consellería de vicepresidencia dirixida por Anxo Quintana, máis concretamente, dende a Secretaría Xeral de Xuventude, se están abrindo centros afectivo-sexuais para a mocidade en todo o país, os centros Quérote.

Así, amén de recordar (que nunca ven de máis) que o sexo se debe practicar sempre coas maiores garantías de seguridade, recordamos tamén, que un goberno local ten que ser exactamente igual, un goberno con garantías un goberno seguro, en definitiva, un goberno do BNG cunha maioría suficiente que lle permita gobernar sen ter que andar pensando nos caprichos puntuais de unha ou outra persoa que se poida facer chamar “socio de goberno”.

Despois de pasar por todas as Parroquias do noso concello, nesta campaña electoral, o BNG de Arzúa quere convidar a tod@s @s veciñ@s á súa festa de peche de campaña.

Será en Ribadiso, o venres, ás dez da noite, e contaremos con música, uns pinchos, e como non, un viño para coller forza antes da xornada do domingo.

Versión longa; 8 minutos:

Versión curta; 2 minutos:

A continuación, adxuntamos a candidatura do BNG a estas eleccións municipais en imaxes.

En dito arquivo coñeceredes con nome e apelidos, esta lista formada por homes e mulleres, mozos e mozas, do noso concello, traballadores e traballadoras, , gandeir@s , estudantes, profesoras e profesores, …

Podes ver o arquivo en PDF [ clicando aquí ] Boa lectura!

Centos de persoas asistiron onte ao acto de presentación da candidatura que o Bloque apresenta para estas eleccións municipais no noso concello. María Xosé Bravo e máis o conselleiro de Innovación e Industria (Fernando Blanco) achegáronse onte até a casa da cultura de Arzúa, para mostrar o seu apoio aos integrantes da lista.

Xaquín, no seu discurso afirmou que todos e cada un dos membros da lista que el mesmo encabeza teñen ganas e ideas para seguir traballando arreo para todos os veciños e facer que Arzúa siga avanzando. Tamén, o candidato á alcaldía fixo referencia á boa acción do goberno municipal nos últimos 4 anos, comparando a situación económica actual coa que o anterior goberno (PP) deixara, así como un resumo das principais obras realizadas tanto no pobo como nas aldeas.